huwag ka sanang magagalit

– Ramon Sunico

Huwag ka sanang magagalit
kung sasabihin ko
na hanap-hanap ka
ng aking mga tula.

Huwag ka sanang maiilang
kung tuwing umuulan
isip-isip ko ang init
ng ating katawan.

Ngayon, butas lamang
sa langit ang lahat ng bituin.
Ngayon, panukat lamang ang buwan
ng layo mo sa akin.

Anumang kuwento
ang simulan ko’y
sa iyo rin nauuwi.
Sa bawat aklat
na aking buklatin
naroroon ang iyong tingin.

Alam ko: may sarili kang tanong
na dapat sagutin;
may sarili kang misteryo
na dapat harapin.
Huwag magmadali: panahon ngayon
ng liwanag at sari-saring dilim;
Oras ng sugat at lamig
at ng paurong-sulong na pagpapaumanhin.

Ngunit Tess, mahal, huwag ka sanang magagalit
huwag ka sanang maiilang
kung aking sasabihin
na tuwing humihinga ako,
naaamoy kita,
na tuwing pumipikit ako,
ikaw ang nagiging umaga.”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: