si rona patola at ang ginisa gang

natutulog ng mahimbing si rona patola sa bukirin ng siya ay nagising sa mga ingay ng mga naghihiyawang gulay

“ayan na! ayan na sila!”

“malapit na sila mga gulay!”

“paparating na ang ginisa gang!”

at totoo nga, nakita ni rona patola sa di kalayuan ang kinatatakutang ginisa gang. ang mga sandok, kawali, mantika, at mga ginisa mixes na nagmamartsa papunta sa kanilang bukirin.

naramdaman niya ang kaba at ang matinding takot

nandito na ang matagal na sinasabi ng kanyang mga magulang. ang kinatatakutan ng lahat sa bukirin

ang ginisa gang

ang gang na dumudukot sa mga gulay upang igisa

halos lahat ng gulay na umusbong sa bukid na ito ay kinuha ng ginisa gang at di na muling nakita.

ito ang pumasok sa isip ni rona habang pinagmamasdan ang papalapit na gang at mga gulay na umiiyak sa kanyang paligid

ang mga upo, kalabasa, sitaw at ang mga iba pa ay nakahandusay sa lupa at nag-iiyakan sa kanyang paligid

“kukunin na nila tayo waaaahhhh” ang iyak ng upo

“tayo ay lulutuin at igigisa huhuhuhu” ang sambit naman ng sitaw

bumaba si rona patola sa kanyang pwesto at nilapitan ang mga ito

“bakit kayo umiiyak at nakahandusay na lang sa lupa? kung ayaw nyo magisa bakit di kayo tumakbo at magtago? o kaya ay lumaban sa ginisa gang” ang tanong ni rona

napatigil sa pag- ngawa ang mga gulay at napatitig kay rona

tumayo si upo at nagsalita “batang patola, ilang daan taon na pumupunta ang ginisa gang sa bukid na ito at kinukuha ang mga gulay upang igisa”

“ang mga magulang ko at mga magulang ng mga magulang ko ay dinakip ng mga ginisa gang at niluto, ito ang ating kapalaran bilang gulay” ang sabat ni sitaw

“ito ang batas ng buhay” sambit naman ni kalabasa

“kung kaya wala na tayo magagawa kung hindi umiyak at hintayin ang ating kapalaran” ang huling pahayag ni upo

at ipinagpatuloy nila ang kanilang pag-iyak

napakunot ang noo ni rona, “bakit ganyan ang inyong iniisip? paano natin malalaman na wala na tayo magagawa kung hindi natin susubukan? gusto ba natin magisa ng walang kalaban-laban?”

umiling ang mga gulay sa sinabi ni rona

“bata ka pa nga rona patola, marami kang masyado pangarap. may mga bagay na di mo mababago” ang tugon ni upo

hindi makapaniwala si rona sa narinig. bakit ganito ang iniisip ng kanyang kapwa gulay? bakit hinihintay na lang nila na kunin ng ginisa gang upang lutuin?

‘hindi mangyayari sa akin ito’ isip ni rona. ‘ako ay hindi igigisa kasama ng sibuyas at kamatis upang lagyan ng miswa. lalabanan ko ang aking tadhana’

sa ganitong pag-iisip tumakbo si ronna patungo sa talahiban

naririnig niya ang papalapit na ginisa gang at ang mga hiyaw ng mga gulay na nadakip na ng mga ito.

patuloy siya sa pagtakbo kahit matalas ang mga talahib hanggang umabot siya sa ilog

nahiga siya sa ilalim ng puno ng mangga at nakatulog dahil sa pagod

nagising siya dahil sa mga boses sa paligid

“bakit kaya may patola sa ilalim ng mangga?”

” aba oo nga ate ano?”

nakita ni rona patola ang isang magandang babae at ang kasama nitong bata na nakatingin sa kanya

binuhat siya ng babae at pinagmasdan

kinabahan si rona patola

‘naku ano kaya ang gagawin sa akin ng babaeng ito’ isip niya

‘siya ba ay kasama ng ginisa gang?’ ang pangamba na naramdaman ni rona

binitbit si rona patola patungo sa isang bahay at doon ay binilad siya sa may hardin

mainit ang sikat ng araw at unti-unting nararamdaman ni ronna na siya ay gumagaan

nagbabago rin ang kanyang ano, nagiging brown na siya mula sa pagiging berde na gulay

at isang araw ay kinuha ang kanyang mga buto at isinaboy sa lupa ng hardin

nalilito si rona patola

‘ano ang nangyayari sa kanya?’

hanggang sa isang araw ay kinuha ng siya ng magandang babae at dinala sa banyo

siya ay binasa at ikiniskis sa balat ng magandang babae

‘aba! ako ay isa ng loofah!” isip ni rona

natuwa si rona sa pangyayari

mula sa pagiging patola ngayon ay loofah na siya

tiyak na magugulat ang mga kapwa gulay niya sa bukirin na maaring naigisa na at di na muling makikita

ngunit siya dahil sa kanyang pagtakbo ay di iginisa at naging isang loofah

——– the end———-

3 Responses to “si rona patola at ang ginisa gang”

  1. 1sheep2sheep Says:

    haha! darwiiiin!!! :D:D:D

  2. ano ba…natawa ako don!🙂

  3. hehehe that was cute..hehe!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: